Category Archives: Uncategorized

На ден 23.08.2024 година во просториите на Делегацијата на Европската Унија во Република Северна Македонија-Скопје, се одржа работна средба помеѓу д-р Иван Игњатов, в.д. Заменик Главен ревизор за ИПА, и претставници од Делегацијата на ЕУ во Скопје, Штефан Худолин, Раководител за соработка и Сергеј Михајлов, менаџер на ЕУ проекти и програми. 

Целта на оваа работна средба беше зајакнување на професионалната соработка помеѓу Ревизорското тело за ИПА и Делегацијата на Европската Унија во Република Северна Македонија. 

На средбата од страна на претставниците на Делегацијата на ЕУ беше искажано задоволство од назначувањето на искусни ревизори со долгогодишно искуство во областа на ревизијата на ИПА и со потврдени контакти со Европската Комисија, како ново раководство во Ревизорското тело за ИПА. За време на состанокот, посебен акцент се стави на потребата од забрзување на постапката за законски предвидениот јавен оглас за именување на Главен ревизор  и Заменик Главен ревизор на Ревизорското тело. 

Од страна на г-дин Игњатов, беше потенцирано дека новото раководство е целосно посветено кон особено важните прашања за Ревизорското тело како што се зајакнување на капацитетите на Ревизорското тело, континуирано обучување на ревизорите согласно меѓународните ревизорски стандарди и добри практики, спроведување на политиката за мотивација и задржување на стручниот и искусен кадар,  зајакнување на соработката со Делегацијата на ЕУ во Скопје, Генералните Директорати при Европската Комисија во Брисел, Европскиот суд на ревизори, Европската Канцеларија за борба против измами (ОЛАФ), како и со Државниот завод за ревизија – како национална врховна ревизорска институција. 

Главниот Ревизор на ИПА, г.Адем Цури учествуваше на обука за Ревизија на успешност за ревизори на Ревизорските тела, организирана од страна на Владината канцеларија за ревизија на фондовите на ЕУ на Србија, УСАИД и ГАО од САД. Почестен со воведните забелешки за важноста на ревизијата на успешност во ревизијата на фондовите на ЕУ и идната перспектива на нашата ревизорска методологија.

Денес во просториите на Ревизорското тело во рамки на SUPRAE проектот, беше одржана работна средба на која присуствуваа ГР ИПА  г.Адем Цури и неговите соработници како и експерти ангажирани во рамки на проектот. Темата на средбата беше започнување на подготовките за спремање на ревизрски софтвер, за ревизија на ИПА фондови кој е едeн од главните приоритети и на ИПА III програмирањето. Овој ревизорски софтвер е од големо значење за Ревизорското тело кое ќе овозможи побрзо и поефикасно спроведување на ревизиите и доставување на Извештаите до Европска Комисија. Главниот ревизор за ИПА Цури воедно изрази голема благодарност до DEU во Скопје и на Европската Комисија кои овозможија финансиска помош за дигитализација и подобрување на условите за работа на ревизорите во Ревизорското тело.

Главниот ревизор на ИПА, г. Адем Цури учествуваше на „9-тиот ЕУСАИР ФОРУМ“, одржан во Шибеник, Хрватска (13-16.05.2024).

Усвоена од Европскиот совет на 29 септември 2014 година, Стратегијата на ЕУ за Јадранско јонскиот регион (ЕУСАИР) е алатка за поттикнување на социјалната, економската и територијалната кохезија, за намалување на разликите во јадранско-јонскиот макро-регион преку соработка.

Стратегијата вклучува десет земји: четири земји-членки на ЕУ (Грција, Хрватска, делови од Италија, Словенија), пет земји кандидати (Албанија, Босна и Херцеговина, Црна Гора, Србија и Северна Македонија) и трета земја, Сан Марино.

Во согласност со приоритетите на ЕУ за 2019-2024 година, EUSAIR придонесува за Европскиот зелен договор, европската дигитална стратегија и посилна Европа во светот.

Денеска во просториите на Европска Унија во Скопје, се одржа работна средба помеѓу Главниот ревизор г-дин Адем Цури и неговата екселенција амбасадорот на ЕУ, г- дин Дејвид Гир. На средбата се разговараше за понатамошните чекори на работата на Ревизорското тело за периодот на ИПА 2 како и предизвиците на ИПА 3. Амбасадорот воедно го пофали работењето на Р.Т. и истакна дека сме лидери во Балканот во однос на методологијата и квалитетот на поднесените извештаи. Исто така беше изразено натамошната безрезервна поддршка од страна на ДЕУ во однос на зајакнување на капацитетите на РТ во однос на дигитализација на работењето и различни форми на обуки со други земји членки.

Исто така од страна на Заменик амбасадорот за соработка  г- дин Штефан Худолин, се договорија натамошните чекори како да се одвиваат процесите на акредитација на новите програми од ИПА 3.

Главниот ревизор Цури се заблагодари на безрезервната поддршка на ДЕУ, како и изрази спремност за посветеност на подобрување на капацитетите на ИПА структурата во земјата.

Ревизорското тело, ќе продолжи да ги зајакнува своите капацитети и да обезбедува високо ниво на компетентност и ефективност, во извршувањето на ревизиите во согласност со регулативата на ЕУ, и меѓународно прифатените ревизорски стандарди.

На форумот Главниот Ревизор се сретна со:

– Виола Ахмерд, претседателка на Швајцарската Конфедерација;

– Лукас Енгелбергер, потпретседател на владиниот совет на Кантонот Базел-Штад;

– Амбасадор Патриша Данзи, Генерален директор на Швајцарската агенција за развој и соработка.

Антикорупцијата како главен столб на мирот и безбедноста – Швајцарски институт за претприемништво (SIFE) – нова иницијатива со м-р Елеонор Јехан.

Главниот ревизор на ИПА се сретна со вработениот д-р Шериф Абдулахи, виш ревизор, оддел за прекугранична соработка во Ревизорското тело за ИПА, кој учествуваше и успешно ја заврши Интензивната програма по европско право и економија, обука за правно, економско и политичко функционирање на Европската Унија за професионалци од земјите и териториите на европската соседска политика, Западен Балкан и Централна Азија на Правниот факултет во Рига, финансиран од МНР на Летонија и Стејт Департментот на САД, за што добил и сертификат за успешно завршена работна специјализација по европско право и економија. Дополнително, студиски посети во Брисел за лични состаноци со Европскиот парламент, Европската комисија, Европската канцеларија за борба против измами (OLAF), Европскиот суд на ревизори, Европската служба за надворешна акција и други институции на ЕУ беа дел од програмата

На 9- ти декември 2021, Меѓународниот ден за борба против корупцијата, Главниот ревизор на Ревизорското тело за ИПА, потпиша Спогодба со Генералниот Директор на Европската канцеларија за борба против корупција – OLAF, г-дин Vile Italla, со што станавме единствената институција во регионот која ги има утврдено формалните чекори за зачувување на интересите на заедницата. Ви благодарам за довербата.

На ден 30.11.2023 година, во емисијата 360 степени (360^о), која се емитува на Македонската Радио Телевизија, се одржа интервју со Г-дин Адем Цури, Главниот ревизор за ИПА при Ревизорското тело за ревизија на ИПА.

Г-динот Цури, говореше за предизвиците со кои се соочува ИПА структурата во Република Северна Македонија, поради недостаток на административниот капацитет на државата, потребен за реализација на средствата од претпристапните фондови.

Во емисијата беа изнесени клучни причини за неискористеност на ИПА фондовите во целост и недостатокот на човечки ресурси во ИПА структурите. Средствата кои и се доделени на државата преку претпристапните фондови поминуваат низ структурите на ИПА за чие користење има утврдени јасни правила и процедури како и посебни процедури за нивна проверка од страна на Ревизорското тело за ревизија на ИПА, за наменско користење на средствата. Главниот ревизор за ИПА, посочи дека овие проблеми и потешкотии со кои се соочува ИПА структурата се нотирани преку заклучоците од спроведените ревизии од страна на Ревизорското тело за ревизија на ИПА, во насока на потреба од креирање на Политика за задржување и мотивација на кадар.  Интервјуто во целост е достапно на следниов линк: https://360stepeni.mk/video-administrativtsite-shto-znaat-kako-se-troshat-parite-od-eu-begaat-vo-privaten-sektor/#