На 25.04.2025 година, на маргините на нашите посети на институциите на ЕУ, г-дин Милаим Абдураими, главен ревизор за ИПА, во придружба на Шериф Абдулахи, виш ревизор, имаше срдечна средба со вршителот на должноста амбасадор, г-дин Исмаил Ебипи (вршител на должноста постојан претставник на Република Северна Македонија во Северноатлантскиот совет), во просториите на седиштето на НАТО во Брисел, Белгија. За време на средбата разменивме искуства за добро управување и практики.
Category Archives: Uncategorized
Билатерален состанок со претставници на OLAF, Брисел, Белгија
На 24.04.2025 година, г-дин Милаим Абдураими, Главен ревизор за ИПА, придружуван од г-ѓа Светлана Дунгевски, помошник главен ревизор за ИПА и г-дин Шериф Абдулахи, виш ревизор, имаа билатерална работна средба со заменик-генералниот директор на Европската канцеларија за борба против измами (OLAF) г-ѓа Сала Састамоинен во просториите на OLAF, Брисел, Белгија.
Во насока на континуирано остварување на заедничките цели за заштита и заштита на финансиските интереси на ЕУ, двете страни го нагласија клучното значење на борбата против корупцијата, измамите, сомневањата за измами и нерегуларности. Генералниот ревизор за ИПА истакна дека преку ревизорската работа, имаме за цел да придонесеме за поголема транспарентност и отчетност во користењето на средствата од ЕУ. Исто така, на маргините на состанокот, Главниот ревизор за ИПА ја нагласи потребата од поддршка за градење капацитети преку обуки, конференции, пракси за подобрување на знаењето на ревизорите во областа на спречување и откривање на корупција и измами.
Работна средба со претставници од Европската Комисија во Брисел – Генералниот Директорат за проширување и Источно соседство (DG ENEST – Directorate-General for Enlargement and Eastern Neighbourhood)
Во рамките на еднонеделната ревизорска мисија (03.03.-07.03.2025) на претставниците на Европската комисија во Брисел – Генерален директорат за проширување и источно соседство (DG ENEST), на 06.03.2025 година, се одржа работен состанок со DG ENEST и Ревизорското тело за ревизија на ИПА.
На работната средба во присуство на Главниот ревизор за ИПА г-дин Милаим Абдураими и Заменик Главниот Ревизор за ИПА г-дин Иван Игњатов, како и советниците и помошниците на Главниот ревизор за ИПА, посебен фокус беше ставен на предизвиците на ИПА III и важната улога на независното Ревизорско тело во ИПА системот.
DG ENEST изрази благодарност за професионалната соработка помеѓу Ревизорското тело и Европската комисија.
На состанокот се дискутираа понатамошни приоритети и цели за зајакнување на капацитетите на Ревизорското тело и особено значењето за DG ENEST на работата и резултатите на Ревизорското тело поврзано со зголемената ефикасност, ефективност и правилното искористување на поддршката од ЕУ преку Инструментот за претпристапна помош (ИПА).
Работна средба со г-дин Кевин Агиус, Генерален Директор на Директоратот за истраги за внатрешна ревизија (ИАИД) при Канцеларијата на Премиерот на Малта
На 13.02.2025, д-р Иван Игњатов, в.д. Заменик Главен Ревизор за ИПА, придружуван од м-р Ружица Бошнакоска, Помошник на Главниот Ревизор и г-ѓа Светлана Тодоровска, Самостоен ревизор остварија работна средба со г-дин Кевин Агиус, Генерален Директор на Директоратот за истраги за внатрешна ревизија (ИАИД) при Канцеларијата на Премиерот на Малта.
За време на посетата посебен акцент се стави на ревизорскиот пристап и методологијата за ревизија на фондовите на ЕУ, пристапот за спроведување на истраги и зајакнувањето на нашата идна институционална соработка преку размена на експерти за ревизија од двете ревизорски институции.
Голема благодарност до г-дин Кевин Агиус, Генерален директор на IAID и неговиот тим за исклучителното гостопримство и отвореноста за зајакнување на идната меѓуинституционална соработка.
Прва официјална посета на Националната Ревизорска Канцеларија (НАО) на Малта
На 12.02.2025, Заменикот Главен Ревизор, д-р Иван Игњатов придружуван од г-ѓа Ружица Бошнакоска, Помошник на Главниот Ревизор и г-ѓа Светлана Тодоровска, Самостоен ревизор, остварија исклучително корисна посета на Националната Ревизорска Канцеларија (НАО) на Малта!
За време на посетата со г-дин Чарлс Дегуара, Главниот ревизор на НАО во Малта, г-дин Ноел Камилери, Заменик Главен Ревизор, г-ѓа Тања Мерциеца, Помошник Главен Ревизор и Раководител на Секторот за Финансиска Ревизија, г-ѓа Ребека Васало, Офицер за врски и г-дин Џонатан Васало, Постојан Секретар во Канцеларијата на Премиерот на Малта, се оствари многу корисен состанок и размена на искуства за ревизијата на ЕУ фондовите и ги запознаа колегите подетално со мандатот, задачите и одговорностите на Ревизорското тело за ревизија на ИПА во Република Северна Македонија и можностите за продлабочување на идната соработка.
Голема благодарност до г-дин Дегуара и неговиот тим за исклучителната гостопримливост за време на посетата.
Посета на Делегацијата на Ревизорското Тело за ИПА во Генералниот Директорат за Земјоделие (ДГ АГРИ) Брисел, Белгија: Размена на Искуства за ИПАРД 2 и ИПАРД 3
Во периодот 4-6.12.2024, делегација од Ревизорското тело за ИПА предводена од д-р Иван Игњатов, в.д. Заменик Главен Ревизор за ИПА, оствари посета на Генералниот Директорат за Земјоделие (ДГ АГРИ) во Брисел, Белгија. На состанокoт се разгледуваше методологијата за ревизија на ИПАРД 2 и ИПАРД 3, спроведувањето на контроли на лице место, одржливоста и функционалноста на проектите, како и потребата од континуирани обуки за ИПАРД 3.
Состанок на в.д. ЗГР за ИПА, д-р Иван Игњатов и претставници од Делегацијата на ЕУ во Скопје
На ден 23.08.2024 година во просториите на Делегацијата на Европската Унија во Република Северна Македонија-Скопје, се одржа работна средба помеѓу д-р Иван Игњатов, в.д. Заменик Главен ревизор за ИПА, и претставници од Делегацијата на ЕУ во Скопје, Штефан Худолин, Раководител за соработка и Сергеј Михајлов, менаџер на ЕУ проекти и програми.
Целта на оваа работна средба беше зајакнување на професионалната соработка помеѓу Ревизорското тело за ИПА и Делегацијата на Европската Унија во Република Северна Македонија.
На средбата од страна на претставниците на Делегацијата на ЕУ беше искажано задоволство од назначувањето на искусни ревизори со долгогодишно искуство во областа на ревизијата на ИПА и со потврдени контакти со Европската Комисија, како ново раководство во Ревизорското тело за ИПА. За време на состанокот, посебен акцент се стави на потребата од забрзување на постапката за законски предвидениот јавен оглас за именување на Главен ревизор и Заменик Главен ревизор на Ревизорското тело. Од страна на г-дин Игњатов, беше потенцирано дека новото раководство е целосно посветено кон особено важните прашања за Ревизорското тело како што се зајакнување на капацитетите на Ревизорското тело, континуирано обучување на ревизорите согласно меѓународните ревизорски стандарди и добри практики, спроведување на политиката за мотивација и задржување на стручниот и искусен кадар, зајакнување на соработката со Делегацијата на ЕУ во Скопје, Генералните Директорати при Европската Комисија во Брисел, Европскиот суд на ревизори, Европската Канцеларија за борба против измами (ОЛАФ), како и со Државниот завод за ревизија – како национална врховна ревизорска институција.
Во периодот 23-24.10.2024, д-р Иван Игњатов, в.д. Заменик Главен ревизор за ИПА, учествуваше на работни средби и состаноци во рамките на иницијативите за продлабочување на соработката помеѓу Врховните ревизорски институции на Малта и Република Северна Македонија.
Главниот државен ревизор м-р Максим Ацевски презентирајќи ја работата на ДЗР и постигнатите резултати се осврна на клучните утврдени состојби презентирани во Годишниот извештај за работата на ДЗР за 2023 година.
Главниот државен ревизор на Малта, г. Чарлс Дегуара, придружуван од Заменкиот Главен ревизор, г. Ноел Камилери и Помошникот на Главниот ревизор, г. Вилијам Пеплоу, го презентираа методолошкиот пристап и инструментите кои можат да помогнат во идентификувањето на ризиците при планирањето на ревизорските активности, како и значајноста на стратегиското управување со ризиците за постигнување на целите на ревизијата.
Со посебно внимание се дискутираа и потврдија заложбите за понатамошно зајакнување на институционална соработка помеѓу ревизорските институции на двете држави, преку организирање на заеднички обуки и размена на искуства за ревизорскиот пристап и методологијата за ревизија, со практична размена на експерти и можност студиски престој на вработените.
Д-р Иван Игњатов, оствари посета на Европскиот суд за ревизија во Луксембург и состанок со Претседателот г-дин Тони Марфи
Заменикот Главен ревизор за ИПА, д-р Иван Игњатов, заедно со главниот Државен ревизор, м-р Максим Ацевски, придружуван од Заменикот Главен државен ревизор м-р Адеми и Помошникот Главен државен ревизор г-ѓа Јаневска, оствари работна посета на Европскиот суд на ревизори во Луксембург и состанок со Претседателот на Европскипт суд на ревизори, г-дин Тони Марфи.
За време на посетата се разменија искуства во областа на ревизијата на ЕУ фондовите, предизвиците за ревизија на новиот план за раст на Западен Балкан, како и предизвиците за ревизија на ИПА 3 програмите. На состанокот со Претседателот Марфи, посебен акцент беше ставен на зајакнувањето на институционалната соработка преку можноста за стажирање и присуство на обуки во Европскиот суд на ревизори, како и организирање на обуки во Република Северна Македонија од страна на експерти од Европскиот суд на ревизори.
Регионалната TAEKС конференција на Ревизорските тела
Делегација од Ревизорското тело предводена од д-р Иван Игњатов, Заменик Главен ревизор, присуствуваше на регионалната TAEKС конференција на Ревизорските тела за ИПА, организирана во соработка со Српското Ревизорско тело во Белград, Република Србија на 30.09 – 01.10.2024 година.
Можност за професионални дискусии и размена на искуства во однос на ревизорскиот пристап и методологијата за ревизија на фондовите на ЕУ и предизвиците на ИПА III, со колегите од Европската комисија (DG NEAR и DG AGRI), ревизорските тела за ИПА од Србија, Турција, Црна Гора, Албанија, како и ТАЕКС експерти од Чешка, Хрватска и Фламанската ревизорска институција…
