Autoriteti i Auditimit është themeluar me Ligjin për Auditimin e IPA-s, si subjekt juridik i pavarur dhe i mëvetësishëm, funksionalisht i pavarur nga të gjithë aktorët në sistemet e menaxhimit dhe kontrollit me instrumentet e IPA-s. Ligji rregullon çështjen e auditimit, organizimin dhe kompetencat e Autoritetit të Auditimit dhe mënyrën e kryerjes së auditimit të IPA-s, në Republikën e Maqedonisë së Veriut nën menaxhim të decentralizuar me dhe pa kontroll ex-ante (paraprak) nga Komisioni Evropian.

Fushëveprimi ynë i punës është i konsiderueshëm dhe ka një rëndësi të veçantë për zbatimin e përgjithshëm të programeve IPA, prandaj është shumë e rëndësishme të ruajmë bashkëpunimin me të gjitha organet që përbëjnë sistemin e decentralizuar të menaxhimit dhe kontrollit të IPA-s, siç janë institucionet nacionale dhe evropiane, si përfituesit përfundimtarë të fondeve.

Shpresojmë që informacioni i gjetur në faqen tonë të internetit do t'ju ndihmojë të njiheni me ne dhe kompetencat tona, me nocionin IPA dhe strukturat përkatëse për zbatimin e IPA-s.